Siatz aquí :   Benvenguda »
    Estampar la pagina...

Informacions, nòvas - Archius

Lei nòvas archivadas son anterioras au 31/12/2014 00:00
Lei nòvas posterioras son consultablas dins lei  nòvas activas
Icones/Nouvelles_novas/ico_education/button_0.pngAprendre e ensenhar lei lengas ... - lo 30/05/2014 08:34

Aprendre e ensenhar lei lengas e lei culturas
regionalas dins l’Escòl
a de la Republica

Apprendre_enseigner_langues_regionales_ecole.jpg

Telecargar lo document ministeriau

L'AELOc vos pòu mandar tanben la brocadura "papier" estampada per la FLAREP (Fédération pour les Langues Régionales dans l'Enseignement Public).

Demanda a faire amé la pagina "Contacte" dau site.


Icones/Nouvelles_novas/ico_colloque/button_0.pngLo Forum d’Oc : la segonda etapa - lo 11/03/2014 18:50

Après lou coulòqui de Marsiho

2013ColloqueSite.jpg
 

Lo Forum d’Oc : la segonda etapa


      A la conclusien dau colòqui de Marselha, s’èra decidat la costitucien d’un recampament de totei leis associaciens, gropes, coleitivitats, entrepressas, etc, de la regien Provença-Aups-Còsta d’Asur que partajon lo socit d’espandir la lenga d’òc, autrament dich lenga occitana, dins la diversitat de sei variantas rodanencas, maritimas, aupencas, niçardas. Lo Forum d’òc s’èra ensin costituat aqueu jorn pèr la decisien dei cinc associaciens qu’avien lançat lo movament : lo Felibrige provençau, l’Istitut d’Estudis Occitans de la regien, la Federacien dei Calandretas, e lei doas associaciens regionalas consacradas a l’ensenhament, l’APLR de Niça e l’AELOC.

      Vènon d’elaboura lou doucumen que va permetre d’apela au recampamen. Chasque assouciacien ou persouno mouralo councernido es invitado à douna soun adesien à la Charto dóu Forum pèr declaracien de soun presidènt ou respounsable. L’adesien es à gràti, e cadun es apela à participa au recrutamen dóu Forum : leis adesien porran èstre signalado à l’AELOC o à-n-uno deis àutreis assouciacien foundatriço dóu Forum pèr escri ou pèr mail.

      Lei membres dau Forum auran pèr amira d’establir un programa regionau d’acien que devendrà sa basa de revendicacien pròchi lei poders publiques e tot’aquelei qu’an de prendre de decisiens que pòdon implicar la promocien de la lenga. Lo Forum si recamparà dos còups dins l’an, en Març e en Outòbre, e lo travalh entre tèmps serà assurat pèr un secretariat permanènt format dei cinc associaciens fondatriças.

      Es de nouta qu’es lou proumié còup au nouastre que lei fouarço mistralenco e óucitanisto fan sauco pèr fa espeli un proujèt d’uno amplour regiounalo. Acò demouastro que la pratico de l’AELOC, atentivo ei douos sourso dóu mouvamen regiounau de Prouvènço, es estado proufetico.

LogoForumBoule_214.png
 

Icones/Nouvelles_novas/ico_colloque/button_0.pngCollòqui a Marselha: Bilàn e perspectivas - lo 19/12/2013 10:57

2013Colloquioccitan_mini.jpg

Sucès totau dóu Coulòqui regiounau de Marsiho
Creacien dau Forum d’Oc de la regien Provença-Aups-Còsta d’Azur





Lo colòqui que s’es debanat a Marselha lo 30 de Novèmbre, organisat pèr la coordinacien Anem, òc ! Provença, que l’AELOC n’es mèmbre, sus lo tèma Qunte avenir pèr la lenga d’òc-l’occitan en Provença-Aups-Còsta d’Azur, a provocat una mobilisacien eicecionala. A faugut refusar de desenas d’iscripciens, e lei 350 plaças de l’emiciucle de Marselha-Provença-Metropòli au Faròt èron toteis òucupadas pèr autant de personas qu’an sueivit lei debats m’una atencien passionada.

2013ColloqueSite.jpg


La direicien energico dóu Proufessour Mederi Gasquet-Cyrus a permés de gagna l’ambiciouso escoumesso de councentra dins uno après-dina un noumbre counsequènt d’aport d’infourmacien e de debat. Proun de questien pousquèron èstre pausado, emai aguèsse faugu acourchi lou tèms dei chàngi. Gràci à Jan-Pèire Belmon, chasque tèms dóu coulòqui siguè introudu pèr uno videò, l’ensèn deis intervencien e debat estènt enregistra pèr n’en faire un DVD edita pèr lou CEP d’òc.


Si tratava promier de travalhar sus la definicien de la lenga. L’intervencien dau linguïsta Claude Hagège a confirmat la concepcien defenduda pèr leis organisaires dau colòqui : una lenga unica, l’occitan o lenga d’òc, que si pratica unicament sota la forma d’una pluralitat dialeitala. A tambèn provesit una tiera de condiciens necessaris pèr sa revitalisacien ; lo segond ponch a òucasionat un debat animat, emé de contestaciens de còups que l’a pron escaufadas. Lo Professor José Deulofeu, de son caire, a demostrat coma lo caratère pluridialeitau de la lenga d’òc emé sa plaça centrala entre lei lengas romanas nen fasien l’òutìs ideau dau projèt d’intercompreneson dei lengas romanas que son chantier siguèt lançat fa d’anadas pèr l’Universitat das Ais : l’introducien de l’occitan dins lo dispositiu es estada anonçada.


La segoundo amiro èro de desgaja lei coundicien poulitico, soucialo, e ecounoumico de la proumoucien de la lengo. L’intervencien dóu deputa Paul Molac, qu’avié pas pouscu èstre presènt, siguè restituado pèr David Grosclaude ; permetié de passa en revisto leis empacho e lei poussibilita tant sus la presso en comte de la Charto éuroupenco dei lengo minouritàri emé sei proublèmo coustituciounau que sus leis avançado de la lèi Peillon pèr l’ensignamen e que sus lei proumesso de lèi pèr lei lengo regiounalo dei presidènt Sarkozy e Hollande.


Lei representants dei quatre regiens convidadas, Aquitani, Miejorn-Pirenèus, Ròse-Aups e Bretanha, presentèron cadun lei biais d’organisacien dau chantier dei lengas e seis avançadas dins sei regiens, permetènt d’utiles comparesons emé la nòstra. Introducha pèr una entrevista filmada dau direitor de l’entrepressa l’Occitana, la questien dei relaciens entre la lenga e lo desvelopament siguèt tratada pèr lo conselhier regionau Hervé Guerrera a partir de sa delegacien sus lo desvelopament duradìs e la planificacien regionala ; Belkacem Lounès espausèt coma s’articula la presènci dei doas lengas de la regien Ròse-Aups, l’occitan e l’arpitan, emé lei changis internacionaus qu’aduen de lengas concernant França, Italié e Sueissa.


Douos intervencien avien pèr sujèt la visibilita de la lengo dins uno poulitico loucalo. Après uno videò sus la coumuno de Couaràsa, Martino Caserio, ajouncho au cònsou de Mentan e Arleto Ollivier counseiero municipalo de-z-Ais delegado à la culturo prouvençalo fasien counouisse lei realisacien dei douos vilo en matèri tant de signaletico que de proumoucien de la lengo, emé l’acien dins lou doumèni de l’ensignamen, qu’uno videò sus lou role de l’escolo avié deja anounça. Enfin, la relacien emé leis àutrei lengo de Franço siguè tratado dins l’intervencien dau Proufessour Salem Chaker, partènt de l’eisèmple de l’implantacien e de la proumoucien dóu berbère en Franço e especialamen en Prouvènço.


La tresièma amira èra de preparar la convergènci regionala dei fòrças de sostèn a la lenga, apielada sus la definicien de l’occitan-lenga d’òc comuna au corrènt mistralenc coma au corrènt occitanista. Anonçada dre la dobertura dau colòqui dins la presentacien de la coordinacien Anem, òc pèr Alan Barthélemy-Vigouroux, fasié la conclusien de la brilhanta sintèsi de Felipe Langevin, qu’anonçava la creacien dau Forum d’òc destinat a donar ais elegits e au publique un interlocutor rassemblat e fiable recampant l’ensèms de la militança pèr la lenga. Perspetivas confirmadas, emé de testimònis de sostèn e d’encorajament, pèr leis intervenciens finalas d’Aïcha Sif, presidènta de la Comissien Cultura dau Consèu Regionau, e d’Andrieu Guinde, vici-presidènt dau Conseu Generau dei Bocas dau Ròse delegat a la lenga d’òc e a la cultura provençala, empachat pèr son ospitalisacien, e dicha pèr lo Majorau Patrice Gauthier.


L’acuei, la pauso, e lou tèms de l’aperitiéu an favourisa de chàngi noumbrous dins un ambien dei pus amistadous.

Alan Barthélemy-Vigouroux

Secretari de l’AELOC




2013Colloquioccitan_Aficha.jpg


Icones/Nouvelles_novas/ico_informations/button_0.pngManifeste dau Pen-Club Occitan - lo 06/08/2012 10:08

2012ManifestePen1.jpg

2012ManifestePen2.jpg

 


Formulari d'adesion a l'AELOc-pagament securisat amé CB

Per 2024

Propulsé par HelloAsso