S’apuejant sus la matèri de sa tèsi, Felipe Martel a dreiçat un tablèu sesissènt dei promierei decenias dau Felibrige, vistas pas tant dau caire de l’istitucien que de la plaça de sei bastissèires dins la societat de son tèmps, locala e nacionala, es a dire relevant dei ciucles parisencs dau poder. D’una precisien remarcabla, mai sènsa jamai si negar dins lo detalh, lo tèste fortament fustejat si liège aisadament mé tota son erudicien jamai pesuda.
Tot aquò mena a de sintèsis luminosas, clavadas pèr una conclusien beluguejanta, monte la desilusien dau Felibrige es tratada m’una respetuosa compreneson, que saup li destriar pasmens lei promessas fragilas d’una decostrucien de la muralha auçada pèr lo refus nacionau.
A.B
