Siatz aquí :  Benvenguda
    Estampar la pagina...

Benvenguda sus lo site de l'AELOc

     L'AELOc, qu'es aquò ?

      Associacion nascuda en 1987, recampa totei lei personas que ensenhan la lenga d’òc ò vòlon ajudar per son ensenhament dins leis establiments escolaris, publics e privats, ò dins lo mitan associatiu, siguèsson professionaus ò benevòles, en activitat ò a la retirada.
      L’AELOc es una associacion duberta en totei, favorisant l’escambi e lo dialògue: s’adreiça ais occitanistes come ai mistralencs, ò a n'aquelei qu'an ges de preferenci.
       L’AELOc afirma que la lenga d’òc apartèn a totei leis abitants de Provença-Aups-Còsta d’Azur cu que siegue son origina. Òbra per valorisar totei lei parlars autentiques de nòstra region, e per nosar de liames amé leis autrei regions occitanas, e tanben amé l’espaci catalàn e mai  lo monde latin e mediterranenc.


       L'AELOc, es :

           L’AELOc vos prepausa:
   1. Son bulletin d’informacion papièr "La Tarasca / La Tarasco".
   2. Son servici de venda (per corespondéncia ò en linha)
 de libres, CDs, documents pedagogiques, alboms per la classa, etc.
   3. Un collòqui bisannuau de nivèu universitari.
   4. De jornadas de rescòntre e de formacion.

   5.
De projèctes culturaus per leis escòlas e collègis de la region Provença-Aups-Còsta d’Azur..
   6. Una informacion personalisada en foncion de vòstrei besonhs.
   7. Un malhum permanent d’assistança e d’escambis professionaus.
   8. Una letra d'informacion (Internet) per vos assabentar dei darrièras nòvas a prepaus de la lenga d’òc e son ensenhament.
   9. De contactes de proximitat dins totei lei despartaments de nòstra Region.

   10. Un site Internet interactiu (informacions, projèctes, actualitats, ...)

 

      L'AELOc es sòci de la Federacion deis Ensenhaments de Lenga e de Cultura d'Òc, que colabòra amé lei representants deis autrei lengas de França.

bandfelco.gif

      Es tanben sòci de la Federacion deis Amics de l'Instruccion Laïca dei Bocas-dau-Ròse.

 
   ail.png
 
       L'AELOc es subvencionada de
Logo_Pays_d_Aix.jpg     paca1.jpg   cg13.jpeg    logo-cg04.png    logo-aix.gif
 

Lei 5 darrierei nòvas

Dictionnaire_parler_meridional.jpgDictionnaire du parler méridional
René Domergue

Une édition de l'AELOc:
Le Dictionnaire du parler méridional
ouvrage posthume de René Domergue,
vient de paraître.
     Les mots et expressions entendus dans les années 50-60 en pays de Nîmes, sont confrontés au parler de pays de même culture :
Camargue, Cévennes, Provence jusqu’à Marseille et au-delà... Ouest-languedocien (Montpellier, Béziers) avec de nombreuses incursions en pays toulousain.
Plus de 5000 mots et expressions.
Edition AELOc - René DOMERGUE - 2024-- 768 pages - Format A4 (21x29,7 )
Prix: 30€ + port 10,30€
Disponible sur le site de la boutique en ligne de l'AELOc

 



Icones/Nouvelles_novas/ico_edition/button_0.pngMonsur Jorn e Dòna Nuech - lo 21/12/2022 19:06

MonsurJorn_red2.jpgMonsur Jorn e Dòna Nuech

Mai que fa Monsur Jorn quora es nuech? E que fa Dòna Nuech quand es jorn?

          Un poulit album grand fourma de Véronique Deroide e Francesco Giustozzi que nous conto d’un biais forço pouetique l’alternanço dóu jour e de la nue e que responde eis enfant que volon saupre ce que fa Moussu Jour quouro es nue tant coumo ce que fa Dono Nue quand es jour.
Revirado dóu tèste dóu francés au prouvençau, grafio classico, assegurado pèr Mirèio Combe-Trinquier.
 
Dins l’encastre dei proujèt culturau perseguissèn nosto coulabouracioun emé leis Edicioun Lirabelle - Edicioun Grandir.
 

Ed. Lirabelle - Quadrichromie - Format 30,5x23,5 - 30 pages.
Texte Véronique Deroide, illustrations Francesco Giustozzi - Traduction en provençal (graphie classique) Mirèio Combe-Trinquier.

14€ + pòrt 8,20€


PÈR AJUDAR AQUELEI QU’APRENON LA LENGA


Lo burèu de l’AELOC a decidat de proposar a n aquelei que s’engajon dins un projèt serios d’iniciacien a la lenga d’òc pèr un travalh personau de lei metre en relacien cadun m’un membre volontari de l’AELOC pèr li donar una ajuda dins sa demarcha.

Soun soulicita pèr va faire lei coulègo ensignaire en ativeta o retira, mèmbre de l’AELOC, e aguènt uno counouissènço sufisènto de la lengo pèr ajuda à n’en prougrama l’aproupriacien. Sera douna priourita, dins l’ordre d’arribado dei demando, à-n-aquélei qu’an un besoun proufessiounau d’aprendre la lengo, pèr eisèmple lei mèstre d’escolo candidat à la validacien de sei coumpetènci en lengo regiounalo pèr poustula à de poste especifique, mai l’ofro es facho pèr touto persouno qu’a la voulounta de s’aproupria la lengo, dins la limito dóu noumbre d’ajudaire dispounible.  

La relacien entre l’aprenènt(a) e son ajuda an naturalament de s’organisar librament. Nos sèmbla que l’aprenènt(a) a de si chausir (eventualament emé nòstra ajuda) una metòda de referènci pèr travalhar solet(a), e lo tutorat si pòu imaginar coma un rescòntre (in praesentia o a distanci) entre lei dos pèr mesurar la situacien de basa e programar lo travalh, limitat à n una anada escolari eventualament renovelada, cadenciat pèr de moments monte s’escandalha la progressien e s’esclargisson lei confusiens e dificultats.

L’aprenènt(o) dèu agué la poussibilita de questiouna soun ajudo sènso la secuta, à de moumen counvengu, e li pòu èstre óufri de tèms de counversacien pèr metre le lengo en mouvamen, emai touto formo d’ajudo à l’aprendissàgi imaginado entre lou tutour e lou beneficiàri.

Lei rescòntres pòdon si faire dins leis endrechs convenguts d’un comun acòrd, l’Ostau de Provença e lo CEP d’Oc as Ais estènt disponibles pèr aquelei que nen son pròchis. L’AELOC pòu tambèn provesir a grati de liames Zoom. Lo tutorat es benevòle pèr lo tutor e a grati pèr lo beneficiari, en qu serà solament demandat una adesien a l’AELOC (10 €).

Aquelei que vòlon beneficiar de l’òfra an de si far conoisse pròchi l’AELOC pèr mail (aeloc-bureau@aeloc.fr) o pèr lo formulari  de contacte dau site o l’adreiça postala que li es indicada (https://www.aeloc.fr).


La novèla circulari de l’Educacien Nacionala en aplicacien de la lèi Molac

Après d’aspres discussiens mé leis associaciens de defènsa dei lengas de França, una circulari d’aplicacien de la lèi Molac dins lo primari e lo segondari vèn d’èstre publicada.

https://www.education.gouv.fr/bo/21/Hebdo47/MENE2136384C.htm

L’avançado la pus noutablo es un biais de pedassa la questien de l’ensignamen di inmersiéu pratica dins leis escolo assouciativo de tipe Calandreta, messo mau pèr la decisien dóu Counsèu coustituciounau.

Franc de l’ajust entre lei lengas de França dau francò-provençau, dau flamand, dau picard mé lei lengas de Mayotte, e de quauqueis ajustaments dins lo segond degrat, lo meriti essenciau de la circulari es d’eisistar e d’espandir lei tèrmes de la lèi Molac pròchi lo sistèma educatiu. Règla tambèn la questien dei fres d’escolaritat que dèvon pagar lei comunas quand leis escolans que cèrcon una escòla bilenga an d’anar si marcar dins una autra comuna. E enfin, la circulari consacra mai lo nom d’occitan-lenga d’òc pèr designar nòstra lenga.

La pus grosso lacuno es l’absènci de touto referènci ei mejan de founciounamen, e la presentacien estrechido de l’article 7 de la lèi Molac que si douno pèr toco la proupousicien de l’ensignamen de la lengo à tóutei leis escoulan. Rèn sus la fourmacien dei mèstre ; rèn sus la creacien d’un counsèu dei lengo de Franço restaca au proumié menistre coumo v’avié proumés Jan Castex. La coundicien de la demando dei famiho pèr la creacien de cursus bilingue, vièio ficello dei tuaire de lengo, es en countradicien ‘mé la lèi, mai an pas mancat d’ana la destrauca pèr n’en limita la pourtado.

Porretz comparar ce que li a de novèu dins la circulari a part de la precedènta de 2017 graci au travalh de Peio Jorajuria Otalazt, presidènt de Seaska, federacien deis ikastolas.

https://docs.google.com/document/d/1Y0b8owh1FnNXpmsweKCjTY8f6HN-gcrjbK0sNxb9JzA/edit?usp=sharing
 


Formulari d'adesion a l'AELOc-pagament securisat amé CB

Per 2024

Propulsé par HelloAsso