En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
 
 
 
Siatz aquí :   Benvenguda » FAQ
 
    Estampar la pagina...
    Estampar la seccion...
 
 
 
 
 

FAQ

Desplegar Barrar  La lenga

logo_IEO.jpg

Uno clarificacien impourtanto de
l'Istitut d'Estùdi Oucitan de Prouvènço


 


Qu’es que la lenga occitana en Provença-Aups-Còsta d’Azur ?

      Afin de levar tota ambigüitat sus un subjèct que presta a polemica, lei responsables de l’Institut d’Estudis Occitans, au nivèu nacionau coma au nivèu de la region Provença-Aups-Còsta d’Azur, an tengut a rendre publica la declaracion seguenta.

      L’occitan es lo nom de la lenga originala dei trenta dos despartaments dau sud de la França, de Bordèu a Menton e de l’Auvernha ai Pirenèus, e mai de la Vau d’Aran en Catalonha e d’una partida dau Piemont. Aquela lenga, tanben denomada « lenga d’òc », se presenta sota la forma d’una certana varietat d’expressions, que lo provençau rodanenc e lo provençau centrau-maritim, l’aupenc e lo niçart ne’n son de variantas en usatge dins nòstra region. Consideram que l’occitan forma una unitat garantida per un aut gras d’intercompreension entre toteis aquelei que lo parlan correntament, maugrat la diversitat incontestabla de sei formas multiplas, coma es lo cas per tota lenga naturala parlada dins lo monde.

      Adonc la lenga occitana es pas per nautres autra causa que l’ensems d’aquelei divèrs parlars, que siam autant preocupats que cu que siegue de n’aparar la diversitat, tant dins la comunicacion orala que dins la comunicacion escricha. Pas un dei movements d’inspiracion occitanista, en Provença-Aups-Còsta d’Azur coma autra part, preconisa d’impausar la practica d’una autra forma de la lenga ont es pas en usatge. L’afortiment que cercariam d’importar dins nòstra region una forma estrangiera o artificiala de la lenga sota aqueu nom d’occitan es adonc per nautres totalament absurda, e pòu èstre escampilhada ren que per ignorància ò per mauvolença.

      Nòstra posicion es sus toteis aquelei ponchs identica a aquela de l’immensa majoritat dei lingüistas de França e de nombrós país forastiers ont es estudiada nòstra lenga, e naturalament a aquela de Frederic Mistral tala que la definís dins son Tresor dóu Felibrige. Enfin, es designada per lo nom « occitan », en Espanha e en Italia, dins lei regions ont es lenga oficiala.

      De lònga lei locutors de nòstra lenga, tant conscients que siguèsson de sei nombrosas varietats, se son reconoissuts d’una pariera comunautat lingüistica. Revèn a degun de li denegar aqueu drech.

Octòbre 2012



Pèire BRECHET, president de l’Institut d’Estudis Occitans
Glaudi JUNIOT, president de la Seccion Regionala Provença-Aups-Còsta d’Azur de l’Institut d’Estudis Occitans
Andrieu FAURE, president de l’Institut d’Estudis Occitans deis Aups
Joan-Pèire BAQUIE, president de l’Institut d’Estudis Occitans deis Aups Maritimes
Joèu BOUC, president de l’Institut d’Estudis Occitans Frederic Mistral dei Bocas dau Ròse
Ives JESTIN, president de l’Institut d’Estudis Occitans de Var
Gabrièu SIMONET, pesident de l’Institut d’Estudis Occitans de Vauclusa

 


Data de creacion :21/10/2016 - 21:36 Hiperliame  Previsualizar...  Estampar... 

L'OCCITAN, QU'ES AQUÒ ?

Per l'Institut d'Estudis Occitans Provença-Aups-Còsta d'Asur




OccitanUnitatdiversitat.jpg


Data de creacion :17/11/2014 - 15:15 Hiperliame  Previsualizar...  Estampar... 

La lenga d'òc sus Oikipedià.

Data de creacion :04/02/2009 - 11:09 Darriera modificacion :17/11/2010 - 11:23 Hiperliame  Previsualizar...  Estampar... 

Lo provençau sus Oikipedià.

Data de creacion :29/11/2009 - 10:51 Darriera modificacion :17/11/2010 - 11:21 Hiperliame  Previsualizar...  Estampar... 

L_occitan_quesaquo_ieo.jpg


Data de creacion :27/04/2015 - 08:18 Hiperliame  Previsualizar...  Estampar... 

Desplegar Barrar  Lei mapas
carte_de_l_occitan.jpg

Data de creacion :17/11/2010 - 11:20 Darriera modificacion :17/11/2010 - 11:22 Hiperliame  Previsualizar...  Estampar... 

les_dialectes_de_l_occitan.jpg

Data de creacion :17/11/2010 - 11:19 Darriera modificacion :27/04/2014 - 06:53 Hiperliame  Previsualizar...  Estampar... 

Noveutats dau site

(despuei 45 jorns)