Teatre: Quant còsta ?
TEATRE
QUANT CÒSTA ?
Companhiá Gargamela
L'espetacle se presenta sota la forma de sketches onte lei eròis se passejan dins de situacions de la vida quotidiana. Dos clowns que an gardat son vejaire d’enfants e tota l’ingenuitat dau monde au fons de sa saca dei malicias, nos entraïnan dins sei sosprenentas aventuras. D’una veirina de belòias, sautan dins una terra de tartiflas e fan sieus leis estellas innombrables e lo cant deis aucèus.
Cavaucan lo monde dei provèrbis, que se li pòu faire dire tot e son contrari, au nom dau bòn sen populari.
Juògan per trompar lo temps. Sa rota es imprevisible, que son pas de cercaire d'òr ò puslèu de cercaires d’amistats e de sorrires de pichons tot de lòng de son camin.
Un viatge entre l’imaginari e lo reau, totjorn per de rire, per aprene, per discutar e escambiar en òc, de segur.
- Animacion prepausada :
- 150 enfants maximom dins una sala polivalenta ò 300 maximom dins un teatre.
- entre lo diluns 4 e lo divendres 15 de febrier de 2013.
- Participacion financièra de l’escòla :
- mai de 4 classas 70 € per classa suplementari.
- Repàs per 3 personas (2 comedians + 1 acompanhator).
- Public pertocat: de la seccion mejana de l'escòla mairala fins au Collègi.