Teatre: Patapim-Patapam

Teatre



Patapim-Patapam

Teatre Interegionau Occitan - La Rampa

2011patapim_affiche.jpg


      L’occitan aima aquela mena d’expressions, redobladas e dichas amé de gestes per lei refortir. Patapim Patapam, es una formula per dire qu’arriva subran un eveniment espectaclós. Joan-Loís Blenet s'inspira dau cònte Joan-sensa-paur e acampa lei personatges de la paur dins la cultura populara occitana, per nos balha lei claus e lo coratge de rire de la petega...
       L'istòria comença per un jòc amé lei Paurs que se passejan d'en pertot e que venon tre que quauqu'un li demanda d’espaurugar un dròlle.
      Puei, es la Negra Paur que nos ven veire (en òc la granda paur es negra que negreja la vida). Aqueu cònte pren la fòrma d'una moralitat : la Negra Paur pòu cambiar lo ben en mau. Aquela paur pòu rendre fòl.

      Enfin, son leis aventuras de Sensa-Paur que nos son contadas, una filha qu’aviá pas jamai paur, e que s’en va córre lo monde a la recèrca de la paur...

       La paur es un subjècte delicat per un espectacle per lei dròlles. Patapim-Patapam fa la causida d'un jòc trufarèu amé lei paurs per desamorçar la panica que la fòrça suggestiva dau teatre podriá crear. Nòstre teatre ensaja ansin d’embelinar l’imaginari deis enfants...

    
2011patapim1.png                                                       2011patapim2.jpg

 
 
 
 
  • Animacion prepausada :
- una representacion, sornura imperativa dins la sala. Durada: 55 mn
- 150 enfants maximom dins una sala polivalenta ò 300 maximom dins un teatre
- entre lo 14 e lo 24 de febrier de 2012
  • Participacion financièra de l’escòla :
- Escòlas de 4 classas ò mens : 280 €
- mai de 4 classas 70 € per classa suplementari.
- Repàs per 3 personas (2 comedians + 1 acompanhator)


 
 

 


Data de creacion : 11/09/2011 15:31
Darriera modificacion : 25/01/2014 22:41
Categoria : - Projèctes culturaus-2011/2012
Pagina legida 14906 còps
 

Formulari d'adesion a l'AELOc-pagament securisat amé CB

Per 2024

Propulsé par HelloAsso