Siatz aquí :   Benvenguda » Cantejadas de 2011, Rendut-compte
    Estampar la pagina...

Cantejadas de 2011, Rendut-compte

Cantejadas 2011 : 500 escolans per cantar en occitan


Photo0300site.jpg
 
Dimarç 31 de mai, leis escolans de sièis escòlas dei Bocas dau Ròse se son donat rendetz-vos au Pargue Jordan as Ais de Provença per un rescòntre cantat, organisat per l’Ostau de Provença e l’"Association pour le Rayonnement de l’École des Platanes ", sostengut per l’Inspeccion Academica e l’Associacion per l’Ensenhament de la Lenga d’Oc (AELOC).
Venguts de "Centres d'ensenhament continús de la lenga regionala" dau despartament : Escòla dei Platanas as Ais, Edouard Peisson a Luynes, Vernegues ò ben de Peyrolles ò Miramas-le-Vieux, leis enfants deis escòlas mairalas e elementaris an encantats leis espectators de son plaser de cantar en provençau.
Lo concèrt, acompanhat per de musicians professionaus (Urban Ref) aviá coma fieu conductor l’istoria de Granolheta, presentada per lo contaire Romieg Salamon, una granolha que li agradava de participar a de juecs a la radiò ò a la television.
Lo promier cant, interpretat per de pichòts d’escòlas mairalas parlava de sopa : èra un raviment de veire aqueleis enfants cantar « N’en vòli pas de ta sopa Papa, N’en vòli pas, e la manjarai pas ! ». D’autreis enfants d’escòlas elementaris son venguts lei rejónher. Una succecion de cançons, mai ò mens coneissudas se son succedidas : Ratapinhata, Ò bèla calha, l’Imortala, Anam manjar au barri, Mar e montanha...
Maugrat una meteò pas força favorable, e un vent que s’es levat dins la vesprada, leis enfants an acabat lo concèrt ambé « Plòu, plòu, plòu », saludats per l’assemblada.
Per clavar la serrada, Dòna Larnaudie e Dòna Ollivier (elegidas de la Comuna d'Ais) nos an convidat dins dos ans ai "Cantejadas 2013", e nos an assegurats de son sostèn per que l’eveniment trobe sa plaça dins lei manifestacions per « Marselha, Capitala de la cultura 2013 ».

Natalia

 

Data de creacion : 03/06/2011 23:12
Darriera modificacion : 13/10/2012 11:25
Categoria : Archius - Projèctes culturaus-2011/2012
Pagina legida 16002 còps

Formulari d'adesion a l'AELOc-pagament securisat amé CB

Per 2024

Propulsé par HelloAsso