Siatz aquí :   Benvenguda » L'AELOC e lou Grand Pres Literàri de Prouvènço de Ventabren
    Estampar la pagina...

L'AELOC e lou Grand Pres Literàri de Prouvènço de Ventabren

L'AELOC e lou Grand Pres Literàri de Prouvènço de Ventabren

       La venerabla istitucien dau Grand Pres Literari de Provença festejava lo 3 d'Outòbre sei cinquanta ans. Avié coronat de noms prestigios dei letras provençalas, Armand Lunel, Mas-Felipe Delavouët, Carle Galtier, Bernat Giely, e mai una de nòstrei sòcis, la majorala Peireto Berengier. Mai jusqu'en 2007, leis escrivans de tradicien occitanista èron fermament tenguts defòra dei pòrtas dau paradìs, franc de René Nelli, Dieu saup perqué, e de Sergi Bèc, qu'avié onorat lo o autant que lo a.

       Lou courounamen de Roubèrt Lafònt en 2007 dounavo lou signau de la renouvacien. Un juri rafresca (Sergi Bèc, Marc Dumas, Jan-Glàudi Bouvier, Bernat Giely, pèr la partido prouvençalo) recompensavo alternativamen Jan-Bernat Plantevin e, aquest an, Jan-Ives Royer.


Roier.jpg
 
      L'Assouciacien culturalo prouvençalo de Ventabren, dins uno evoulucien que devié proun à un de seis administratour, Michèu Home, que vèn malurosamen de defunta, s'èro resoulumen engajado sus lou camin vertuous, mai pas toujours eisa, de l'ecumenisme. Ero nourmau que rescountrèsse l'AELOC dins sa demarcho. La renoumado de Jan-Ives Royer e la qualita de soun obro de pouèto e d'istourian avié cafi la sala d'uno foulo entousiasto.

Ventabren_assistance.jpg

       Pèr fa brilhar encar mai lei fastes dau cinquantenari, l'Associacien ventabrenenca avié decidat de proposar un Pres dei Joines paralèle au pres dei Grands. Si tratava de recompensar una realisacien requista d'una classa o d'una escòla. L'AELOC avié decidat d'esponsorisar lo pres a egalitat mé l'Associacien ventabrenenca. Tres pres èron promés. Lo promier anèt a la classa de Mma. Sofìa Bejian, mestressa de CE a l'escòla Anfos Daudet de Rafèla, pèr son juec de l'auca "Sus lou Camin de Prouvènço". Lo segond anava au CM de Mma. Bertolani de l'escòla dei Platanas d'as Ais de Provença, pèr son librilhon "Fau sauvar Gaia", realisacien ajudada pèr nòstra sòci Magali Gazzano. Lo tresième escasié a la Calandreta d'Aurenja, tambèn sòci de l'AELOC, pèr lo librilhon "Lei tres animaus".

Ecole.jpg
 
      L'AELOC a en rèn enfluença lou juri qu'èro lou meme pèr lei jouine e pèr leis adulte. Coumo que vague, l'aguè que tres escolo pèr presenta uno obro, mau-grat uno enfourmacien larjamen espandido pròchi tóutei leis escolo counouissudo pèr ensigna lou prouvençau dins lei Bouco dóu Rose e la Vau-cluso, emai tóutei leis assouciacien de proumoucien de la lengo d'o. La questien si pauso tant à l'AELOC qu'à sa partenàri de saché se fau renouvela l'esperiènci.

Choeur.jpg

 

Data de creacion : 09/04/2011 21:48
Darriera modificacion : 09/04/2011 21:54
Categoria : Archius - Divèrs-2010
Pagina legida 43834 còps

Formulari d'adesion a l'AELOc-pagament securisat amé CB

Per 2024

Propulsé par HelloAsso