L’oulivié que mouere jamai...

L’oulivié que mouere jamai

Le grand gel de 1956 a fait reculer la culture de l’olivier, jusqu’à ce qu’on se souvienne qu’il fait une huile propice à la santé. Alors on s’est aperçu que les arbres n’étaient pas morts. On en a même trouvé plus au nord qu’on ne pensait.
      Ero en Febrié de 1956 e dins la journado avié fa dous-len, ém’uno quingenado de degra, qué ! Mai, piei, dins la niue, la temperaturo s’es abaissado a mens douge degra. L’acipado termico fuguè talo que tout gelavo. Fau dire qu’émé lo tèmps dous, la sèvo s’èro mountado dins leis aubre, e es èlo que gelavo. Ansin fuguè destrussido la partido aerenco deis oulivié, soun pèd e si branco. Mai lei racino, èlei, fuguèroun pas toucado. Es per acò que troban dins leis oulivedo d’uei de trounc que soun en verita de rejit d’ancian oulivié que nous donon aro d’aubre que tenon si cincanto an.
      Pasmens mai que mai d’ouleïcultour an abandouna lou mestié après 1956, e lou tempèri fuguè pas ecologi nimai souciau, que an pulèu trabaia la vigno. Se trobo qu’aro li gens mostron d’interès per l’òli d’olivo e es per acò que nòstreis agricultour se tornon de nóu vers l’oulivié. Se parlo ara de regime cretés, e sabèn que l’òli es tras que bon per la santa, per lo peu, leis ounglo, lou ten de la pèu e per viure vièi.
      Fau saupre qu’en Franço, se counsoumo dès cóup mai d’òli d’oliva que ço que n’en prouduèn. L’essenciau nous vèn de Grèço, d’Espagna, d’Africo dóu Nord e d’Italio. Coumo es raro e car, de prouprietari an reviscoula seis óuliveto per se faire uno prouduccioun d’òli a l’oustau.
      L’oulivié, coumo creba màncou pas quand gèlo, se dis qu’es un aubre eternau. E mai, i a quauqueis annado, n’an trouba dins leis Aup, ço qu’es pas de crèire ! d’efèt, avian toujour creigu que l’oulivié venié pas au nord de Sisteroun ; pasmens après un encèndi, en 2004, n’en troubèron lei fourestié, dins uno vau procho de Laragno. E mai seis gèno soun estudia per veire se sarié pas poussible de trouba uno meno d’oulivié que resistarié au fre. Va saupre se deman poudran pas crèisse au Groenland…
 
 Olivesgel.jpg
Foutò : Increbable l’oulivié ! Lou gèu lou pòu pas tua coumpletamen.


Data de creacion : 05/12/2010 14:50
Darriera modificacion : 23/01/2011 13:37
Categoria : Ensenhament - Leis articles d'Aquò-d'Aquí per la classa
Pagina legida 18122 còps
 

Formulari d'adesion a l'AELOc-pagament securisat amé CB

Per 2024

Propulsé par HelloAsso