04/11/2010
Viladieu (84), jornada de sensibilisacion

PROMIÈRA JORNADA DE RESCÒNTRE INTER-CLASSAS DINS LA VAU-CLUSA
Rendut-còmpte,
Vila-dieu, 4 de novembre de 2010


 
       Lo pòsta complet en Lenga Regionala acordat per l'Inspeccion Academica es ocupat per Anneta Cottin dins la Vau-clusa.  Permete ara sa presenci am'un trabalh au mai pròchi deis escòlas e dei collègas.
 
      En seguida de la jornada d'estagi despartamentau dau 13 d'octòbre, l'i aguèt d'escambis entre leis ensenhaires, e de projèctes espeliguèron.
Es l'escòla de Vila-dieu que prenguèt la promièra l'iniciativa d'organisar una jornada a l'entorn de nòstra lenga e nòstra cultura.
 
      La Directriça Ghislaine Beloeil ( CP-CE1), que ven d'Aveiron, David Cluzel ( CE2-CM1-CM2) e Anneta Cottin an dubèrt lei pòrtas de l'escòla en musica en aqueu jorn de rintrada escolaria dau 4 de novembre. Leis escolans passèron lo portau tot risolents e sei gènts tanben !
      Après un recampament dei pichòts, la Directriça esitèt pas de parlar provençau per presentar la jornada. Puei Anneta contèt la legenda de la naissença de Crau. (Lo tèxte se pòu veire aquí, sus lo site de l'Aeloc)
 
presentationoeb.jpg                                     legendecrauoeb.jpg    
 
    legendecrau2oeb.jpg                                       galetoeb.jpg                                


  
      Es gracias a l'intervencion de Rémy Salamon per l'estagi dau 13 d'octòbre darnier, que aquelei dos collègas estagiaris an descubèrt la visita contada de l'esposicion de La ràbia dei dieus e an ausit aquesta legenda. An vòugut tornar investir aquela istòria dins sei classas.
 
     L'idèia fa son camin : Leis escolans son despartits en còlas dins d'ataliers que van virar tot de lòng de la jornada.
 
- Cant amé David
 
dansechantoeb.jpg

 
- Dança amé Anneta

                                danseescottischeoeb.jpg


 
- Cosina (tapenada) amé Mireille (Atsem) e la grand d'una dròlla.
 
            tapenadeoeb.jpg

 
-Arts visuaus amé Ghislaine
 
5geantoeb.jpg                             1geantoeb.jpg   

 
2geantoeb.jpg                      ateliervisuel3oeb.jpg
 
      Dins l'après-dinar, leis escolans an donat volume e color ai dessenhs dau matin que illustravan la legenda de la Crau. Lei pòsts, paletas, tròçs de bòsc, clavèus, martèus e pintura viva an lèu fach aparéisser buòus, gigants, pluèia de codelets e aubres, dau biais de Karel Appel.

4geantoeb.jpg        3geantoeb.jpg
     En fin d'après-dinar, leis escolans an presentat ai pichons de l'escòla mairala lei danças e lei cants après dins la jornada, avans que de lei convidar a dançar Jan Petit que danso acompanhats amé la guitara de David.
 
     Lo gostar (de tapenada sus de lescas de pan) acabèt aquesta jornada en laissant non socament un accent mai perèu una sabor dins la boca de totei leis escolans, mèstres e mestressas de Vila-dieu !
 

      La Comuna de Vila-dieu ven de clavelar leis òbras deis escolans sus una paret de la cort de l'escòla, en laissant d'aqueu biais de traças d'aquela bèla jornada !

**********************

Aquesta jornada de banh linguistique en lenga regionala es estat realisada amé la collaboracion de la municipalitat de Vila-dieu (que s'es pron implicada dins l'operacion), de l'Educacion Nacionala, e de l'AELOC.
 


Data de creacion : 25/11/2010 15:09
Darriera modificacion : 20/04/2013 15:01
Categoria : Ensenhament - Dins lei classas...
Pagina legida 22671 còps
 

Formulari d'adesion a l'AELOc-pagament securisat amé CB

Per 2024

Propulsé par HelloAsso