En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
 
 
 
Siatz aquí :   Benvenguda » Occitania, lo gròs embròlh
 
    Estampar la pagina...
    Estampar la seccion...
 
 
 
 
 

Occitania, lo gròs embròlh

Occitania, lo gròs embròlh


 

La chausido d’apela « Occitanie » la regien que coustejo la Prouvènço a man drecho dóu Rose, s’es puei legitimado pèr l’Estat francés, risco de prouvouca uno counfusien capablo de bourroula definitivamen lei foundamento dóu mouvamen regiounalisto dins lou Païs d’Oc.

L’AELOC a chausit, coma la FELCO que n’es lo representant locau, de si denomar en referènci a l’apelacien « lenga d’òc » qu’es reconoissuda tant pèr lo corrènt occitanista que mistralenc, e dins seis estatuts si declara coma promovènt « la langue et la culture d’oc, également dénommées langue et culture occitanes ». Aquela equivalènci es ara amenaçada pèr la denominacien de la novèla regien qu’a pèr capluec Tolosa. S’es reconoissuda òuficialament coma soleta legitima, en drech francés e mai dins la pratica quotidiana, de portar lo nom d’Occitania, la consequènci logica es que seis abitants o seis espatriats seran solets de posquer si dire Occitans, e que sa lenga d’òurigina serà naturalament apelada l’occitan o la lenga occitana.

Mai alor sera proun mal-eisa dins leis àutrei regien d’oc de si reclama de la lengo óucitano, d’autant mai que la counsciènci de l’unita de la lengo es encaro embriounàri dins lei regien periferico coumo dins la regien centralo, e qu’es perfés atacado vióulentamen pèr de groupuscule proun determina s’apielant sus l’ignourènci de la questien dins lou grand publique. Au moumen qu’aquelo unita coumençavo de s’afierma, la chausido dóu Counsèu Regiounau de Toulouso nous aparèisse d’autant mai desastrouso.

Aqueu Consèu Regionau a depausat lo nom de ce qu’apèlon « Occitanie » a l’Istitut Nacionau de la Proprietat Inteleituala. A supausar que sei bailes de vuei (que riscon de pas èstre aquelei de deman) nos faguèsson la graci de nos nen permetre l’usagi, si serié poscut imaginar que lo sota-titre « Pirenèus-Mediterranha » podié dorbir lo camin pèr generalisar l’apelacien « Occitanie » a d’autrei regiens, caduna em’un apondon apropriat. Mai aquel espèr aparèissse bèn ilusòri. Lei noms deis autrei regiens son dejà chausits o mantenguts, e resulton d’equilibris delicats que degun aujarà de remetre en causa avans una brava passada. Se lo poder centrau de la França confièrma lo còup de fòrça de Tolosa, serem dins un embròlh calamitos que va nos demandar una remessa en causa fonsa de tot ce qu’avèm assajat de bastir despuei avans meme lo Felibrige.

Es à refounda nouàstrei referènci que nous fau prepara emé la soulidarita de tout’aquélei que, dins tóutei lei regien d’oc emai en « Occitanie », an pas vóugu aquel embouiàgi, o li an counsenti sènso n’en mesura lei counsequènci. Tre aro, l’AELOC a decida de sousteni lo tèste que l’Ostau dau País Marselhés n’a pres l’iniciativo.

La letra doberta es estada mandada a l’iniciativa de l’Ostau dau País Marselhés. La podètz signar en linha en anant sus son siti : www.ostau.net

Lo burèu de l’AELOC



Occitanie_Admin.jpg


Data de creacion : 10/08/2016 - 10:22
Categoria : Çò que fasèm - Nòstreis intervencions
Pagina legida 7961 còps

Noveutats dau site

(despuei 45 jorns)
Informacions/Nòvas
16/01/2020 : - Manifestacions