Collòqui a Marselha:Qunte avenir pèr la lenga d’òc-l’occitan en Provença-Aups-Còsta d’Azur
Sucès totau dóu Coulòqui regiounau de Marsiho
Creacien dau Forum d’Oc de la regien Provença-Aups-Còsta d’Azur
Creacien dau Forum d’Oc de la regien Provença-Aups-Còsta d’Azur
Lo colòqui que s’es debanat a Marselha lo 30 de Novèmbre, organisat pèr la coordinacien Anem, òc ! Provença, que l’AELOC n’es mèmbre, sus lo tèma Qunte avenir pèr la lenga d’òc-l’occitan en Provença-Aups-Còsta d’Azur, a provocat una mobilisacien eicecionala. A faugut refusar de desenas d’iscripciens, e lei 350 plaças de l’emiciucle de Marselha-Provença-Metropòli au Faròt èron toteis òucupadas pèr autant de personas qu’an sueivit lei debats m’una atencien passionada.
La direicien energico dóu Proufessour Mederi Gasquet-Cyrus a permés de gagna l’ambiciouso escoumesso de councentra dins uno après-dina un noumbre counsequènt d’aport d’infourmacien e de debat. Proun de questien pousquèron èstre pausado, emai aguèsse faugu acourchi lou tèms dei chàngi. Gràci à Jan-Pèire Belmon, chasque tèms dóu coulòqui siguè introudu pèr uno videò, l’ensèn deis intervencien e debat estènt enregistra pèr n’en faire un DVD edita pèr lou CEP d’òc.
Si tratava promier de travalhar sus la definicien de la lenga. L’intervencien dau linguïsta Claude Hagège a confirmat la concepcien defenduda pèr leis organisaires dau colòqui : una lenga unica, l’occitan o lenga d’òc, que si pratica unicament sota la forma d’una pluralitat dialeitala. A tambèn provesit una tiera de condiciens necessaris pèr sa revitalisacien ; lo segond ponch a òucasionat un debat animat, emé de contestaciens de còups que l’a pron escaufadas. Lo Professor José Deulofeu, de son caire, a demostrat coma lo caratère pluridialeitau de la lenga d’òc emé sa plaça centrala entre lei lengas romanas nen fasien l’òutìs ideau dau projèt d’intercompreneson dei lengas romanas que son chantier siguèt lançat fa d’anadas pèr l’Universitat das Ais : l’introducien de l’occitan dins lo dispositiu es estada anonçada.
La segoundo amiro èro de desgaja lei coundicien poulitico, soucialo, e ecounoumico de la proumoucien de la lengo. L’intervencien dóu deputa Paul Molac, qu’avié pas pouscu èstre presènt, siguè restituado pèr David Grosclaude ; permetié de passa en revisto leis empacho e lei poussibilita tant sus la presso en comte de la Charto éuroupenco dei lengo minouritàri emé sei proublèmo coustituciounau que sus leis avançado de la lèi Peillon pèr l’ensignamen e que sus lei proumesso de lèi pèr lei lengo regiounalo dei presidènt Sarkozy e Hollande.
Lei representants dei quatre regiens convidadas, Aquitani, Miejorn-Pirenèus, Ròse-Aups e Bretanha, presentèron cadun lei biais d’organisacien dau chantier dei lengas e seis avançadas dins sei regiens, permetènt d’utiles comparesons emé la nòstra. Introducha pèr una entrevista filmada dau direitor de l’entrepressa l’Occitana, la questien dei relaciens entre la lenga e lo desvelopament siguèt tratada pèr lo conselhier regionau Hervé Guerrera a partir de sa delegacien sus lo desvelopament duradìs e la planificacien regionala ; Belkacem Lounès espausèt coma s’articula la presènci dei doas lengas de la regien Ròse-Aups, l’occitan e l’arpitan, emé lei changis internacionaus qu’aduen de lengas concernant França, Italié e Sueissa.
Douos intervencien avien pèr sujèt la visibilita de la lengo dins uno poulitico loucalo. Après uno videò sus la coumuno de Couaràsa, Martino Caserio, ajouncho au cònsou de Mentan e Arleto Ollivier counseiero municipalo de-z-Ais delegado à la culturo prouvençalo fasien counouisse lei realisacien dei douos vilo en matèri tant de signaletico que de proumoucien de la lengo, emé l’acien dins lou doumèni de l’ensignamen, qu’uno videò sus lou role de l’escolo avié deja anounça. Enfin, la relacien emé leis àutrei lengo de Franço siguè tratado dins l’intervencien dau Proufessour Salem Chaker, partènt de l’eisèmple de l’implantacien e de la proumoucien dóu berbère en Franço e especialamen en Prouvènço.
La tresièma amira èra de preparar la convergènci regionala dei fòrças de sostèn a la lenga, apielada sus la definicien de l’occitan-lenga d’òc comuna au corrènt mistralenc coma au corrènt occitanista. Anonçada dre la dobertura dau colòqui dins la presentacien de la coordinacien Anem, òc pèr Alan Barthélemy-Vigouroux, fasié la conclusien de la brilhanta sintèsi de Felipe Langevin, qu’anonçava la creacien dau Forum d’òc destinat a donar ais elegits e au publique un interlocutor rassemblat e fiable recampant l’ensèms de la militança pèr la lenga. Perspetivas confirmadas, emé de testimònis de sostèn e d’encorajament, pèr leis intervenciens finalas d’Aïcha Sif, presidènta de la Comissien Cultura dau Consèu Regionau, e d’Andrieu Guinde, vici-presidènt dau Conseu Generau dei Bocas dau Ròse delegat a la lenga d’òc e a la cultura provençala, empachat pèr son ospitalisacien, e dicha pèr lo Majorau Patrice Gauthier.
L’acuei, la pauso, e lou tèms de l’aperitiéu an favourisa de chàngi noumbrous dins un ambien dei pus amistadous.
La direicien energico dóu Proufessour Mederi Gasquet-Cyrus a permés de gagna l’ambiciouso escoumesso de councentra dins uno après-dina un noumbre counsequènt d’aport d’infourmacien e de debat. Proun de questien pousquèron èstre pausado, emai aguèsse faugu acourchi lou tèms dei chàngi. Gràci à Jan-Pèire Belmon, chasque tèms dóu coulòqui siguè introudu pèr uno videò, l’ensèn deis intervencien e debat estènt enregistra pèr n’en faire un DVD edita pèr lou CEP d’òc.
Si tratava promier de travalhar sus la definicien de la lenga. L’intervencien dau linguïsta Claude Hagège a confirmat la concepcien defenduda pèr leis organisaires dau colòqui : una lenga unica, l’occitan o lenga d’òc, que si pratica unicament sota la forma d’una pluralitat dialeitala. A tambèn provesit una tiera de condiciens necessaris pèr sa revitalisacien ; lo segond ponch a òucasionat un debat animat, emé de contestaciens de còups que l’a pron escaufadas. Lo Professor José Deulofeu, de son caire, a demostrat coma lo caratère pluridialeitau de la lenga d’òc emé sa plaça centrala entre lei lengas romanas nen fasien l’òutìs ideau dau projèt d’intercompreneson dei lengas romanas que son chantier siguèt lançat fa d’anadas pèr l’Universitat das Ais : l’introducien de l’occitan dins lo dispositiu es estada anonçada.
La segoundo amiro èro de desgaja lei coundicien poulitico, soucialo, e ecounoumico de la proumoucien de la lengo. L’intervencien dóu deputa Paul Molac, qu’avié pas pouscu èstre presènt, siguè restituado pèr David Grosclaude ; permetié de passa en revisto leis empacho e lei poussibilita tant sus la presso en comte de la Charto éuroupenco dei lengo minouritàri emé sei proublèmo coustituciounau que sus leis avançado de la lèi Peillon pèr l’ensignamen e que sus lei proumesso de lèi pèr lei lengo regiounalo dei presidènt Sarkozy e Hollande.
Lei representants dei quatre regiens convidadas, Aquitani, Miejorn-Pirenèus, Ròse-Aups e Bretanha, presentèron cadun lei biais d’organisacien dau chantier dei lengas e seis avançadas dins sei regiens, permetènt d’utiles comparesons emé la nòstra. Introducha pèr una entrevista filmada dau direitor de l’entrepressa l’Occitana, la questien dei relaciens entre la lenga e lo desvelopament siguèt tratada pèr lo conselhier regionau Hervé Guerrera a partir de sa delegacien sus lo desvelopament duradìs e la planificacien regionala ; Belkacem Lounès espausèt coma s’articula la presènci dei doas lengas de la regien Ròse-Aups, l’occitan e l’arpitan, emé lei changis internacionaus qu’aduen de lengas concernant França, Italié e Sueissa.
Douos intervencien avien pèr sujèt la visibilita de la lengo dins uno poulitico loucalo. Après uno videò sus la coumuno de Couaràsa, Martino Caserio, ajouncho au cònsou de Mentan e Arleto Ollivier counseiero municipalo de-z-Ais delegado à la culturo prouvençalo fasien counouisse lei realisacien dei douos vilo en matèri tant de signaletico que de proumoucien de la lengo, emé l’acien dins lou doumèni de l’ensignamen, qu’uno videò sus lou role de l’escolo avié deja anounça. Enfin, la relacien emé leis àutrei lengo de Franço siguè tratado dins l’intervencien dau Proufessour Salem Chaker, partènt de l’eisèmple de l’implantacien e de la proumoucien dóu berbère en Franço e especialamen en Prouvènço.
La tresièma amira èra de preparar la convergènci regionala dei fòrças de sostèn a la lenga, apielada sus la definicien de l’occitan-lenga d’òc comuna au corrènt mistralenc coma au corrènt occitanista. Anonçada dre la dobertura dau colòqui dins la presentacien de la coordinacien Anem, òc pèr Alan Barthélemy-Vigouroux, fasié la conclusien de la brilhanta sintèsi de Felipe Langevin, qu’anonçava la creacien dau Forum d’òc destinat a donar ais elegits e au publique un interlocutor rassemblat e fiable recampant l’ensèms de la militança pèr la lenga. Perspetivas confirmadas, emé de testimònis de sostèn e d’encorajament, pèr leis intervenciens finalas d’Aïcha Sif, presidènta de la Comissien Cultura dau Consèu Regionau, e d’Andrieu Guinde, vici-presidènt dau Conseu Generau dei Bocas dau Ròse delegat a la lenga d’òc e a la cultura provençala, empachat pèr son ospitalisacien, e dicha pèr lo Majorau Patrice Gauthier.
L’acuei, la pauso, e lou tèms de l’aperitiéu an favourisa de chàngi noumbrous dins un ambien dei pus amistadous.
Alan Barthélemy-Vigouroux
Secretari de l’AELOC
Data de creacion : 26/07/2015 - 15:12
Categoria : Archius - Lei collòquis-Lo collòqui de novembre de 2013
Pagina legida 7969 còps
Categoria : Archius - Lei collòquis-Lo collòqui de novembre de 2013
Pagina legida 7969 còps
