Siatz aquí :   Benvenguda » Lise Gros en HauteProvence-décembre 2011
    Estampar la pagina...

Lise Gros en HauteProvence-décembre 2011

PROJÈCTES CULTURAUS DE L'AELOC

LISA GRÒS DINS LEIS AUPS     

 

      La contaira Lise Gros es estada dins nòstre despartament lo temps de quauquei jorns einant los congiers de Nové.

 

LiseGros1.jpg

 

      Conviada des associacions occitanas de la region (Animation Scolaire d’Oc, Institut d’Estudis Occitans, Associacion per l’Ensenhament de la Lenga d’Oc), Lise a animat de moments de contes dins las escòlas e coletgis : a Dinha, ambé los escolans deis escòlas Pau Martin e Beausoleil e a Chastèu Arnos a l’escòla Elise et Célestin Freinet e au colètgi Camille Reymond. Une serada publica fuguèt, pereu, estada organisada a l’Ermitatge a Dinha ambé los Contes de Nové e dau freg dins l’encastre dau Contrat Educatiu Locau- Lenga e cultura occitanas bailejat per la comuna e lo Consèu Generau 04.

      Per un centenat d’escolans, Lise Gros a dich , en lenga d’Oc ò en frances , des contes d’aier e d’encuei, pescats dins son òbra ò aquela de son paire. A fach viure sei personatges dins un espací anant de la gariga a la mar : lo pichon jogaire d’organeta, lo paure pastre, las bestias…. E la musica dei mòts desvelhèt, un temps, de mondes meravilhos. Sa vòtz chalorosa a menat los joines au pus priond dei cròtas, dins la nèu, sus los chamins de la Provença…

 

LiseGros2.jpg

 

      Una bela iniciativa qu’a fach descubir as mainats una lenga, aquela de nòstre pais d’oc e tanben de contes emplits de tendressa que dempuei l’origina dei temps, fan que l’òme s’esplica lo monde e los misteris de la vita.

Ania Martel

 


Data de creacion : 29/05/2013 22:03
Categoria : Archius - Projèctes culturaus-2011/2012
Pagina legida 75388 còps

Formulari d'adesion a l'AELOc-pagament securisat amé CB

Per 2024

Propulsé par HelloAsso