Josiana Ubaud-Escrichs sus lei femnas
VEN DE PARÉISSER
Josiana UBAUD - ESCRICHS SUS LEI FEMNAS/ESCRICHS DE FEMNAS (o pichon lexic illustrat de la misoginia ordinària)
Occitan-francés 15 x 21 393 paginas + fòtos negre-blanc
Prètz : 18 èuros (+ frais de mandadís 4 èuros)
De comandar a l’editor ieolengadoc@orange.fr
IEO Lengadòc 14 av. d’Estienne d’Orves BP 60011
34501 Besièrs Cedex
Coma lexicografa, l’autora foguèt tustada per la quantitat anormala dau lexic e dei provèrbis misogins en occitan. Tant coma per la transparéncia deis autoras occitanas, largament oblidadas dins leis antologias. Aquesta recèrca religa lei dos aspèctes dins un solet obratge : recampa lo lexic misogin eissit dei diccionaris, lei citacions de 72 autoras (dei trobairitz fins a uei, tot dialècte, tota grafia), e 60 fòtos de sorrires de femnas, coma la melhora dei responsas ais escòrnas misoginas per pas dire ginofòbas. Mai generalament, es l’escasença de denonciar tanben lo sòrt reservat ai femnas sus la planeta tota (viòus, excision, maridatges forçats, veus engabiaires), o l’esplecha de la femna per la publicitat, a travèrs de citacions eloquentas. La societat occitana es encara una societat masclista que laissa pauc de plaça ai femnas. « Mantunei mascles an donc encara un lòng lòng lòng camin de faire, e son pas près d’arribar deman au cap dau camin, çò que sabèm despuei longtemps »
Josiana UBAUD es lexicografa e etnobotanista en domeni occitan (lengadocian e provençau). Publica mantuneis articles dins de revistas e jornaus (Aquò d’Aquí, Lenga e País, Cahiers Max Rouquette, Lo Jornalet) pertocant la botanica o la linguistica, fa d’emissions sus la natura mediterranèa, dona de conferéncias, enquadra de sortidas botanicas, e realiza de mòstras de fòtos. Es l’autora dau recent Diccionari ortografic, gramatical e morfologic de l’occitan (Trabucaire, 2011).
-U