Les Cantejadas à Peyrolles (13)

Les CANTEJADAS de PEYROLLES (13)

       Cette année, les organisateurs historiques des Cantejadas d'Aix-en-Provence avaient décidé de faire une pause, pour mieux se préparer et faire l'année prochaine des Cantejadas  2011 une grande réussite !
       C'était sans compter sur l'équipe des maîtres et des maîtresses de Peyrolles, qui firent chanter quatre classes de leurs écoles (une classe de l'école maternelle, et trois du primaire), ainsi qu'une classe invitée de Valensole ! Tout cela réunissait près de 120 élèves !

IMG_5854.jpg
 
     
L'Aeloc fut associée à l'évènement, qui se déroula le 18 juin.
Voici le récit de l'organisation de cet évènement, qui nous est fait par Bernard, un des enseignants de Peyrolles.

"CANTEJADAS 2010 DE PEIROLO EN PROUVÈNÇO"

      « I’aura pas de Cantejadas 2010 ! » Vaqui ço que se diguè après li Cantejadas 2009…
Acò se pòu pas !
     Alor, « la Chourmo de Peirolo » e « l’Ome de Valensole » s’acampéron e decidéron de faire camin soulet pèr que l’eimo di Cantejadas boufe encaro…
      Pèr que l’afaire se posque faire, a faugu trouva lou biais de travaia ensèn : « Tu, vendras faire d’Inglès à mi pichot e d’aquéu tèms, iéu farai canta en Prouvençau  li pichot de la meiralo! » Ansin se faguè. L’ome de Valensole, éu, travaiara soulet sus soun planestéu…
Ato ! Acò vai. Es eisa de decida…. Mai fau saupre que pèr li Cantejadas, fau de musician, de materiau, un càri pèr que l’Ome de Valensole pousquesse veni canta ‘me nautre….
      Fuguè l’escasénço de quauqui dejuna dòu dissate matin, encò de l’uno o de l’autro di fiho de la chourmo emé forço cafè, tè, creissent, pan au choucoulat… lou bon cousta di causo !
      Lou proublèmo di musician fugué lèu regla : n’iaura ges ! Aurié pouscu avé li proufessour de l’ecolo de musico, mai a pas capita : avien de cartabèu proun clafi. Aurié pouscu avé lis musician de l’ourquestro dòu village, mai poudién pas trouva de moumen pèr travaia ensèn…. Restavo plus que li C.D. de travai di Cantejadas passado… Acò bouito ! De très n’en farén un ! Alor, avén causi li cansoun de pourta au prougrame. Un cop la chausido facho, quaucun diguè : « E perque farien pas chausi lis enfant bord que d’ùni an dejà canta i Cantejadas ? Belèu qu’an de cansoun que i’agradon mai que d’autro ? » N’en vaqui un’ideio di bono ! Mai pèr aquelo de cansoun, la musico nous agrado par forço ! bè, n’en trouvarèn uno autro ! E piéi avén tambén pensa d’apoundre au repertòri, uno cansoun qu’avien pas encaro presentado i Cantejadas. Vo ! Mai pèr la musico, coume faran ? Bè, lou Gille nous l’alestira ! E lou Gille nous l’alestiguè ! Ensin, « pachin, pachan » lou C.D. fuguè acaba !

      Alor coumencéron li repeticioun, lou travai que chascun couneisse… Acò vai, sabèn lou faire….
Mai a faugu tambèn ana veire lou Conse pèr agué soun acord d’ourganisa ‘cò sus sa coumuno, pèr agué lou materiau necessàri, pèr lou gousta di pichot…li direitour nous an ajuda.
     Avian besoun de dardeno per lou càri de l’ome de Valensole fin que pousquesse davala de soun planestèu. L’A.E.L.OC nous ajudè…
     E la teinico ???? Sabés faire tu ? Noun e tu ? Nimai ! Urousamén i’avié lou Jan-Lu pèr nous ajuda!
Alor, aven vist que l’eimo di Cantejadas boufavo encaro…
     E vengué lou divendre 18 de jun, à Peirolo, dins la salo Frederic Mistral…


DSC_0120.jpg                  DSC_0123.jpg
 
      Aro, soun passado li Cantejadas 2010 de Peirolo en Prouvenço. Lis enfant éron countènt, si gènt eron esmougu e nautre….creba ! Creba mai fier dou travai de nòsti pichot. Segur qu’emé de musician, dins la coure dòu castèu aurié esta un flame espetacle…
      Mai l’impourtant fuguè que la Lengo resclantigue toujours e que boufe, aquest’an encaro l’eimo di Cantejadas
Osco pèr li Cantejadas de 2011
Bernat             
DSC_0101.jpg


Date de création : 27/08/2009 15:43
Dernière modification : 02/12/2010 10:12
Catégorie : Archives - Projets culturels-2009/2010
Page lue 23964 fois
 

Formulaire d'adhésion à l'AELOc-paiement sécurisé par CB

Pour 2024

Propulsé par HelloAsso